ငါ့ဘ၀နဲ့ငါ

“မပြောင်းလဲသော ငါ့ဘ၀ ငမည်း”

ငါ့ဘ၀….. ငမည်းဘ၀…        

မွေးတုန်းကလည်း ငါ အမည်းလေးပါ၊ ကြီးလာပြန်တော့ မည်းလျက်ပဲပေါ့၊

နေပူထဲထွက်လည်း မည်းမြဲမည်း၊ ငါကြောက်လန့်မိချိန် ငါကိုယ်တိုင် မည်းမှောင်၊

နေမကောင်းဖြစ်လည်း မည်းမည်းမည်း။ ငါသေချိန်အထိ မည်းတုန်းပဲ။

ကဲ ဒါနဲ့ အဖြူရောင်ရဲဘော်ရေ မင်းမှာတော့ကာ…..

မင်းမွေးတော့ ပန်းရောင်လေး၊ ဒါပေသိ မင်းကြီးလာတော့ အဖြူရောင်ပြောင်း၊

နေပူထဲမှာတော့ အနီးရောင်ခံ၊ မင်းအအေးမိရင် ပြာပြာရောင်ဖြစ်၊

မင်းကြောက်လန့်တဲ့ခါ အ၀ါရောင်ပြောင်း၊ အစိမ်းရောင်ပြောင်းရင် နေမကောင်းဖြစ်၊

နောက်ဆုံး သေတာတောင်မှ မီးခိုးရောင်၊ ပြောင်းပြောင်းနိုင်တဲ့ မင်းနော်၊

 ဒါတောင် မင်းက ငါ့ကို “ကပြား” ခေါ်ရသလား။

(မည်း= မဲ - အနက်ရောင်)

(၂၀၀၈ အတွက် အကောင်းဆုံး UN အသိအမှတ်ပြု  အောက်ပါကဗျာကို ဆီလျှော်အောင် ရေးဖွဲ့ထားသည်။)

• When I born, I black
• 
• When I grow up, I black
• When I go in Sun, I black
• When I scared, I black
• When I sick, I black
• And when I die, I still black
• And you white fellow
• When you born, you pink
• When you grow up, you white
• When you go in Sun, you red
• When you cold, you blue
• When you scared, you yellow
• When you sick, you green
• And when you die, you gray
• And you calling me colored?

Do or Don't!

You cannot bring about prosperity by discouraging thrift.

ခြုံးခြံချွေတာခြင်းကို အားမပေးဘဲ တားမြစ်ခြင်းသည် စည်းစိမ်ဥစ္စာကြွယ်ဝမှုကို မယူဆောင်လာနိုင်ပါ။

You cannot strengthen the weak by weakening the strong.

 အင်အားချည့်နှဲ့သော စွမ်းဆောင်ရည်ဖြင့် ဆင်းရဲသားများကို အားမဖြည့်ပေးနိုင်ပါ၊ ထိမ်းမထားနိုင်ပါ။ 

You cannot help the wage earner by pulling down by the wage payer.

လုပ်ခအကျိုးအမြတ်ကို ဖြိုချခြင်းဖြင့် လုပ်ခစားများကို ကူညီရာမရောက်ပါ။

You cannot further the brotherhood of men by encouraging class hatred.

လူတန်းစားအလွှာ မုန်းတီးမှုကို အားပေးအားမြောင့် ပြုလုပ်ခြင်းက လူသားအချင်းချင်း ရင်းနှီးနားလည်မှုကို အထောက်အကူမပြုနိုင်ပါ။

You cannot help the poor by destroying the rich.

လူချမ်းသာများကို ချေမှုန်းခြင်းက ဆင်းရဲသားနှင်းပြားဘ၀တွေကို ကူညီရာမရောက်ပါ။

  

You cannot keep out of trouble by spending more than you earn.

ရငွေထက် ပိုလွန်ကာ သုံးဖြုံးခြင်းက ပြဿနာများကို ထိမ်းမထားနိုင်ပါ။

You cannot build character and courage by taking away man's initiative and independence.

လူ၏လွတ်လပ်မှုနှင့် ကိုယ်စွမ်းကိုယ်စ ပင်ကိုယ်အရည်အချင်းကို နှိမ်၍ ပျောက်ပျက်စေခြင်းသည် လူ၏ရဲရင့်မှု ဂုဏ်သတ္တိ သိက္ခာတရားများကို မတည်ဆောက်နိုင်ပါ။

   

You cannot help men permanently by doing for them what they could and should do for themselves. 

သူတို့အတွက် သူတို့ကိုယ်တိုင် လိုက်သင့်လုပ်ထိုက်တာတွေကို ကိုယ်က ၀င်ရောက်ပြုလုပ်ပေးနေခြင်းက သူတို့ကို အမြဲတမ်း ကူညီရာ မရောက်ပါ။

 (Abraham Lincoln) အေဘ်လ်ဟင် လင်ကွန်း

လူသားတို့၏စိတ်ခံစားမှုနှင့် တိုးတက်မှု (၁)

“ပြည်တွင်းနှင့် ပြည်ပ ပညာသင်ကြားစနစ် ကွာခြားချက်“

ဗုဒ္ဓတရားတော်များကို မြန်မာပြည်က သင်ကြားပုံစနစ်မှာ ဗုဒ္ဓ၏ဆိုလိုချက်အတိုင်း အနက်၊ အဓိပ်ပါယ်များကို အတိအကျအမှန်အကန် သိမြင်ဖို့ သင်ကြား၊ လေ့လာရခြင်း ဖြစ်သည်။

နိုင်ငံခြားသင်ကြားနည်းစနစ်က ဗုဒ္ဓတရားတော်များအပေါ် ကိုယ်ပိုင်အတွေးအခေါ်ဖြင့် ဝေဖန်ပိုင်းခြားကာ လေ့လာသင်ကြား ရတာပါ။

 ဗုဒ္ဓတရားတော်များအပေါ် ကိုယ်ပိုင်အတွေးအခေါ်နှင့် ဝေဖန်ပိုင်းခြားပီး လေ့လာ၍ မရပါ။ ဝေဖန်စရာလည်း မလိုပါ။ ရဟန္တာမထေရ်ကြီးများကိုယ်တိုင် သံဃာယနာ(၆)ကြိမ်တင်ကာ အတည်ပြုပြီးထာသည့်အတွက်ကြောင့် ဖြစ်သည်။

အရှင်ဂန္ဓမာလာလင်္ကာရ (တိပိဋကဆရာတော်) 
အင်ဂလန်၊ အောက်စ်ဖို့ဒ်တက္ကသိုလ်

လူသားတို့၏စိတ်ခံစားမှုနှင့် တိုးတက်မှု (အပိုင်း-၁)

ခေတ်သစ်ခွဲခြမ်းစိတ်ဖြာမှုအရ လူသားတို့၏ဦးနှောက်ကို လေ့လာကြည့်တဲ့အခါမှာ ဦးနှောက်၏အသွင်သဏ္ဌာန် (၂)မျိုး တွေ့ရှိခဲ့ကြသည်။ လူသားတို့၏ ဦးနှောက်အသွင်သဏ္ဌာန် (၂)မျိုးဟူသည်မှာ ၁။ ခန္ဓာကိုယ်၏ဘယ်ဖက်ခြမ်းကို ဦးနှောက်၏ညာဘက်ခြမ်းက ကြီးစိုးခြင်းနှင့် ၂။ ခန္ဓာကိုယ်၏ညာဘက်ခြမ်းကို ဦးနှောက်၏ဘယ်ဖက်ခြမ်းက ကြီးစိုးခြင်း ဟူ၍ဖြစ်ပါသည်။

ဆိုလိုသည်မှာ လူသားတို့၏အသိညာဏ်ကို ခွဲခြမ်းစိတ်ဖြာလေ့လာလိုက်သောအခါ ခန္ဓာကိုယ်ရဲ့ ဘယ်ဖက်ခြမ်းကို အုပ်ချုပ်ချယ်လှယ်သော အလုပ်ကို ဦးနှောက်ရဲ့ ညာဘက်ခြမ်းက ပြုလုပ်သည်“ဟူသော သဘောတရား ရှု့ဒေါင့်နှင့် ခန္ဓာကိုယ်ရဲ့ ညာဖက်ခြမ်းကို အုပ်ချုပ်ချယ်လှယ်သော အလုပ်ကို ဦးနှောက်ရဲ့ ဘယ်ဖက်ခြမ်းက ပြုလုပ်သည်“ ဟူသော သဘောတရား ရှု့ဒေါင့် တို့ဖြစ်ကြသည်။

အဆိုပါ လူသားတို့၏ဦးနှောက်ပိုင်းဆိုင်ရာ သဘောတရားနှစ်မျိုးကို အသီးအသီး နေရာချထားမည်ဆိုလျှင် တစ်ဖက်သော ဦးနှောက်တစ်ခြမ်းသည် စိတ်ထိခိုက်လှုပ်ရှားမှု၊ စိတ်ခံစားမှုနှင့် သက်ဆိုင်ကာ ဆက်စပ်ပတ်သက်နေပြီး (Emotional aspect) အခြားတစ်ခြမ်းသည် အသိညဏ်ပိုင်းနှင့် သက်ဆိုင်ကာ ဆက်စပ်ပတ်သက်နေ၏ (Intellectual aspect)။  ဤအမြင် ဤသဘောတရားနှစ်မျိုးသည် လူသားတိုင်း၏ဘ၀ဖြစ်စဉ်မှာ အလွန်ပင် အရေးပါလပေသည်။

ဗုဒ္ဓ၀ါဒ၌လည်း တိုးတက်သောလူသားတို့၏ပင်ကိုယ်စရိုက် နှစ်မျိုးနှစ်စားကို လေ့လာတွေ့ရှိရလေသည်။

၎င်းတို့မှာ …

၁။ ကရုဏာ compassion နှင့်

၂။ ပညာ wisdom တို့ပင် ဖြစ်ကြပါသည်။

Compassion ကရုဏာဟူသည်မှာ လူသားတို့၏ပင်ကိုယ်စရိုက် စိတ်ခံစားမှုပိုင်းဆိုင်ရာ သဘောတရားများ ဖြည်းညင်းညင်သာစွာ တစ်ဆင့်ခြင်း တိုးတက်မှုပင်ဖြစ်ပေသည်။ အသိညာဏ်၏ ဖြည်းညင်းညင်သာသော အဆင့်အဆင့်တိုးတက်မှုကို wisdom ပညာဟု ခေါ်ဆိုသည်။

ကျွန်ုပ်တို့ လူသားတစ်ယောက်ချင်းစီ၏ အသွင်သဏ္ဌာန်ကို ခွဲခြမ်းလေ့လာကြည့်သည့်အခါမှာ အုပ်စုငါးခု ရရှိလာပါသည်။ ၎င်းကို ခန္ဓာ(၅)ပါးဟု ဆိုပါသည်။ ၁။ ရုပ် matter, ပုံသဏ္ဌာန် form ၂။ ဝေဒနာ ခံစားခြင်း feeling ၃။ သညာ မှတ်သားခြင်း perception ၄။ သင်္ခါရ ပြုပြင်စီရင်ခြင်း disposition နှင့် ၅။ ၀ိညာဏ ၀ိညာဉ် conseiousness စိတ်-ဟူ၍ ဖြစ်ကြသည်။

 ခန္ဓာ(၅)ပါးတို့တွင် ရုပ် (သို့) အသွင်သဏ္ဌာန်သည် လူသားစု၏ကိုယ်ခန္ဓာနှင့် ပြင်ပလောကအတွေ့အထိကို ကိုယ်စားပြုလေသည်။ အာရမ္မဏ-ဟုဆိုရသောပြင်ပလောက အာရုံခံအကြောင်းတရားများနှင့်  အာယတန-ဟုခေါ်ဆိုသောအာရုံတို့ ပေါင်းဆုံတွေ့မိချိန် ပုဂ္ဂိုလ်တစ်စုံတစ်ဦးသည် အရာဝတ္ထုတစ်ခုခုကို သတိထားသိရှိသွားလေသည်။

ဥပမာအားဖြင့် မျက်စိနှင့် ရုပ်-အဆင်းသဏ္ဌာန်တို့ ဆုံတွေ့ချိန် မြင်သည့်စိတ်သည် ဖြစ်ပေါ်လာပါတော့သည်။ အလွန်ထူးဆန်းလပေသည်။ မျက်စိသည် ရုပ် ဖြစ်သည်။ သူချည်းသက်သက် မမြင်နိုင်ပေ။ ဟိုတစ်ဖက်မှာ ရုပ်-အဆင်းသဏ္ဌာန်သည်လည်း ရုပ်ပင် ဖြစ်သည်။ သူချည်းသက်သက်လည်း မမြင်နိုင်ပါ။ ဒါပေသိ ၎င်းတို့ မျက်စိနှင့် အဆင်း ထိပ်တိုက်တွေ့မိသည့်အခါ ကြည့်သူမှာ မြင်သည့်စိတ် ဖြစ်ပေါ်လာရပေသည်။ မြင်သည့်စိတ်သည် ရုပ်တရား မဟုတ်ပါပေ။ ရုပ်နှင့်ရုပ်ချင်းချင်းတွေ့တော့ နာမ်ဖြစ်သွားသည်။ အံ့ဖွယ်တည်း။ ဤဥပမာကိုလည်း ရှု့ဦးလော့ မီးချက်ဆံထဲမှာ မီးမရှိပါ။ မီးချက်ခံ ယမ်းပြားတွင်း၌လည်း မီးမရှိပါ။ သူတို့နှစ်ခု ဒီအတိုင်းနေပါက ဘာမှ ဖြစ်မလာပါ။ ဒါပေသိ မီးချက်ဆံနှင့် ယမ်းပြား ခတ်မိချိန် “ဟုန်း“ မီးထတောက်လေတော့သည်။ မီးသည် ဘယ်က လာပါသနည်း။ မီးသည် ရုပ်တရား ဖြစ်၏။ ရုပ်နှင့် ရုပ်ခြင်း တွေ့ထိလျှင်လည်း ရုပ်တစ်ခု ဖြစ်ပေါ်တတ်ကြောင်း မှတ်သားမိပါသည်။ စိတ်ထဲမှာ တွေးနေသည်။ မနေ့က ငါခံလိုက်ရသည်။ ဒီကောင်းကို လက်စားချေရမည်။ စိတ်ဆိုး စိတ်ယုတ်များနှင့် တစ်ဖက်ရန်သူဟူသော ရုပ်တရာတို့ တွေ့ဆုံတော့သည်။ ထိုအခါ ဒေါသမီး၊ အာဃာတမီးများ ပေါ်ထွက်လာပီး ည၌ အိပ်မပျော် ဖြစ်နေသည်။ စိတ်-ဒေါသ၊ အာဃာတများကား နာမ်တရား ဖြစ်သည်။ နာမ်နှင့် ရုပ် စိတ်ကူးထဲမှာ ထိတွေ့ချိန် နာမ်တရား ဖြစ်ပေါ်သည်။

ထိုကဲ့သို့ မျက်စိ၊ အဆင်းနှင့် မြင်သိစိတ်တို့ သုံးပွင့်ဆိုင် ဖြစ်ပေါ်လာဖို့ရန် အောက်ပါအကြောင်းတရား (၃)မျိုး တွေ့ဆုံခြင်း မရှိမူ၍ လူသားတို့၏စိတ်ခံစားမှု ဖြစ်ပေါ်ခြင်း မရှိနိုင်ပေ။ အဆိုပါ အကြောင်းတရားများသည် အမြဲတမ်း အတူတကွ ပေါင်းဆုံ၍သာလျှင် ဖြစ်ပေါ်နေသည်။

၎င်းတို့မှာ

၁။  အာယတန (၆)ပါး၊                    ၂။ ၎င်းနှင့်ဆိုင်ရာအသီးသီးအာရုံ၊                   ၃။ ၀ိညာဏ်(၆)ပါး

စက္ခာယတန = မျက်စိ၊                   ရူပါရမ္မဏ= ရုပ်အဆင်းသဏ္ဌာန်၊       စက္ခုဝိညာဏ= မြင်သိစိတ်

သောတာယတန= နား၊                   သဒ္ဒါရမ္မဏ= အသံ၊                       သောတ၀ိညာဏ= ကြားသိစိတ်

ဃာနာယတန= နှာခေါင်း၊                ဂန္ဓာရမ္မဏ= အနံ့၊                         ဃာန၀ိညာဏ= နံသိစိတ်

ဇိဝှါယတန= လျှာ၊                         ရသာရမ္မဏ= အရသာ၊                   ဇိဝှါဝိညာဏ= လျှက်သိစိတ်

ကာယာယတန= ကိုယ်၊                  ဖောဋ္ဌဗာရမ္မဏ= အတွေ့အထိ၊          ကာယ၀ိညာဏ= တွေ့သိစိတ်

ဓမ္မာယတန= စိတ်(နာမ်)၊                ဓမ္မာရမ္မဏ= စေတသိက်၊                မနောဝိညာဏ= စိတ်သိ     တို့ပင်ဖြစ်ကြသည်။

အထက်ပါ အကြောင်းတရားသုံးမျိုး အတူတကွ ဖြစ်ပေါ်လာဖို့ရန် ကြားခံတစ်ခုက ဆက်သွယ်ပေးရသည်။ ၎င်းမှာ ဖဿပင် ဖြစ်သည်။ ဖဿသည် အထက်ပါအကြောင်းတရားများ ဖြစ်လာရန် ထိတွေ့ဆက်သွယ်ပေသည့် အခါမှာ လူသားစု၏စိတ်ဝယ် ခံစားမှုအသစ်ဖြစ်ပေါ်လာသည်။ ထိုခံစားမှုသည် တခါတရံ သာယာစရာ ဖြစ်သော်ကား ဖြစ်နိုင်သည်။ တခါတရံ မသာမယာ ဖြစ်သော်ကား ဖြစ်နိုင်သည်။ တခါတရံ စိတ်ခံစားမှုမှာ ပျော်နေမည်။ တခါတရံ စိတ်ခံစားမှုမှာ ဆင်းရဲနေမည်။ တခါတရံ အမျိုးမျိုး စိတ်ထဲမှာ ရောထွေးနေမည်။ ထိုစိတ်ခံစားမှုကို လူသားစု၏မှတ်ညာဏ်တွင် သိမ်းဆည်းထားခြင်း ခံရသည်။ စိတ်တွင် တေးမှတ်ထားသည်။ မှတ်တမ်းတင်ထားသည်။ နောင်တစ်ချိန် အသုံးပြုရန် လိုအပ်ခဲ့လျှင် လွယ်ကူစွာ ပြန်လည်မှတ်မိအောင် ခံစားမှုတစ်ခုချင်းစီအလိုက် အသေးစိတ် မှတ်ညာဏ်တွင် သိမ်းဆည်းထားသည်။ လူသားတို့၏မှတ်ညာဏ်တွင် မရေတွက်နိုင်သော အကြောင်းအရာများ မှတ်တမ်းတင်ထားတတ်သည်။ တစ်ချို့လူသားစုတွင် မှတ်ညာဏ်အားနည်းသည်အတွက် မှတ်တမ်းများ ခဏတွင်း ပျောက်ပျက်သွားတတ်သည်။ တခါတရံ အလွယ်တကူ မှတ်တမ်းမတင်နိုင်ပေ။ မှတ်သားမိအောင် ဇွတ်အတင်း ကြိုးစားသည့်အခါ လူသားတို့၏ ဦးနှောက်ပိုင်း မီးမြိုက်ခံရသကဲ့သို့ ပူနွေးလာတတ်သည်။ တခါတရံ နှလုံးသွင်းမိချိန် မှတ်သားထားသည့် အကြောင်းအရာများ မကြာမကြာ တိုးဝေ့ပေါ်ထွက်လာတတ်သည်။

ဤကဲ့သို့ ခံစားမှုနှင့် မှတ်သားထားသည့်အရာများ မကြာမကြာ အဆက်သွယ်လုပ်သည့်အခါ လူသားတို့စိတ်သည် အဆင့်ဆင့် ပြောင်းလဲသွားသည်။ ပြုပြင်စီရင်ခံရပြီးသည့်အခါ နောက်ဆုံးမှာတော့ အရာရာကို သိရှိခံစားနားလည်တတ်သော အသိညာဏ်သည် ညင်သာစွာ ဖြစ်ပေါ်လာသည်။

အထက်ဖြစ်စဉ်အရ အနှစ်ချုပ်လိုက်လျှင် အကျွန်ုပ်တို့၏ခန္ဓာငါးပါးကို ခွဲခြမ်းစိတ်ဖြာလေ့လာသည့်အခါ ခံစားခြင်း= ဝေဒနာနှင့် မှတ်သားခြင်း=သညာတို့သည် စိတ်ခံစားမှုဆိုင်ရာ Emotional aspect ကို ကိုယ်စားပြုလေသည်။ ပြုပြင်စီရင်ခြင်း= သင်္ခါရနှင့် စိတ်ဝိညာဏ်တို့သည် Intellectual aspect ကို ကိုယ်စားပြုလေသည်။

မှတ်ချက်။ ။ ဤပို့စ်ပါအကြောင်အရာများသည် (Kelaniya of University) ကေလနိယတက္ကသိုလ်မှ ပို့ချချက်များကို ဘာသာပြန်ပီး မိမိ၏အတွေးအမြင်ဖြင့် မွမ်းမံပံ့ပိုးရေးသားထားခြင်းဖြစ်ကြောင်း။ အမှားပါက ပညာရှင်များ ဝေဖန်အကြံပြုနိုင်ပါကြောင်း။

အပိုင်း(၂) ဆက်ရန်

လူမိုက်အစစ်

“လူမိုက်အစစ်“

အကြင်လူမိုက်သည် မိမိမိုက်မဲသည်၏အဖြစ်ကို သိ၏။

ထိုလူမိုက်သည် ဤအသိကလေးဖြင့် ပညာရှိသော်လည်း ဖြစ်လာတတ်ကောင်း၏။

အကြင်လူမိုက်သည်ကား မိမိ မိုက်မဲသည်ကို မသိ၊ “ပညာရှိ“ဟု မှတ်ထင်ဘိ၏။

အမှန်စင်စစ် ထိုလူမိုက်သည်ကား “လူမိုက်“ ဟူ၍ ဆိုထိုက်လေတော့၏။

(တစ်နည်း) ထိုလူမိုက်သည်ကား “လူမိုက်အစစ်“ဟူ၍ ဆိုထိုက်လေ၏။

The fool who knows that he is a fool can for that reason be a wise man;
but the fool who thinks that he is wise is, indeed, called a fool. (verse 63)

(Balavagga, Dhammapada)

လက်တွဲညီညာ ပြုသာသနာ

• ဘိုးဖွားလက်ထက်၊ မပျက်သာသနာ၊ ငါတို့လက်တွင်း၊ သက်ဆင်းရောက်လာ၊ မတိမ်ကောဖို့၊ စိတ်စောကြပါ၊ ဒို့ဝန်ရှိ အသိညဏ်ဖြင့်သာ။
• မိဘလက်ထက်၊ မပျက်သာသနာ၊ ငါတို့လက်တွင်း၊ သက်ဆင်းရောက်လာ၊ မတိမ်ကောဖို့၊ စိတ်စောကြပါ၊ ဒို့ဝန်ရှိ အသိညဏ်ဖြင့်သာ။
• ဆရာ့လက်ထက်၊ မပျက်သာသနာ၊ ငါတို့လက်တွင်း၊ သက်ဆင်းရောက်လာ၊ မတိမ်ကောဖို့၊ စိတ်စောကြပါ၊ ဒို့ဝန်ရှိ အသိညဏ်ဖြင့်သာ။
• ဘိုးဖွားလက်ထက်၊ မပျက်ကျောင်းကန်၊ ငါတို့လက်တွင်း၊ သက်ဆင်းရောက်ပြန်၊ မတိမ်ကောဖို့၊ စိတ်စောကြရန်၊ ဒို့ဝန်ရှိ အသိညဏ်ဖြင့်သန်။
• မိဘလက်ထက်၊ မပျက်ကျောင်းကန်၊ ငါတို့လက်တွင်း၊ သက်ဆင်းရောက်ပြန်၊ မတိမ်ကောဖို့၊ စိတ်စောကြရန်၊ ဒို့ဝန်ရှိ အသိညဏ်ဖြင့်သန်။
• ဆရာ့လက်ထက်၊ မပျက်ကျောင်းကန်၊ ငါတို့လက်တွင်း၊ သက်ဆင်းရောက်ပြန်၊ မတိမ်ကောဖို့၊ စိတ်စောကြရန်၊ ဒို့ဝန်ရှိ အသိညဏ်ဖြင့်သန်။
• ငါ့တို့ခေတ်မှ၊ မညံ့စေရာ၊ ပြည်တွင်းပြည့်ပ၊ သုတဖွေရှာ၊ နည်းသစ်များနှင့်၊ ထပ်လောင်းမွမ်ကာ၊ ရှည်လျှားကြာမြင့်၊ တည်တံ့ဖို့ရာ၊ ငါတို့ကမ္ဘာ၊ ဒို့သာသနာ၊ ပြုကြစို့ လက်တွဲညီညွတ်စွာ။
  

အမြတ်ဆုံးရတနာ (အပိုင်း-၃)

အမြတ်ဆုံးရတနာ (အပိုင်း-၃)

ဘိက္ခူရတနာ၊ ဘိက္ခူနီရတနာတို့တွင် ဘိက္ခူရတနာသည်သာ အမြတ်ဆုံးဖြစ်ရခြင်းကို လေ့လာပြီး၍ ယခုအခါ မြင့်မြတ်သော ၆။ ဘိက္ခူရတနာကို လေ့လာသောအခါတွင်လည်း ၆း၁။ ကိလေသာကုန်ခမ်းပြီးသော ရဟန်းတော်နှင့် ၆း၂။ ကိလေသာ မကုန်သေးသော ရဟန်းတော်ဟူ၍ နှစ်မျိုးထွက်လာပြန်သည်။

 ဤနေရာ၌ ကိလေသာကုန်ခြင်း၊ မကုန်ခြင်းနှင့် ပတ်သက်၍ ဝေါဟာရအခေါ်သည် များစွာရှိပေသည်။ “ကိလေသာ“ဟူသည်မှာ လောဘ-လိုချင်မှုစသည့်၊ ဒေါသ-စိတ်ဆိုးမှုစသည့် မကောင်းသော စိတ်အမူအယာများကို ခေါ်ဆိုပါသည်။ ထိုစိတ်ဆိုးစိတ်ယုတ်များ မရှိတော့သောပုဂ္ဂိုလ်ကို ကိလေသာကုန်ခမ်းနေသူ၊ တစ်နည်းအားဖြင့် “ရဟန္တာပုဂ္ဂိုလ်“ဟု ခေါ်ဆိုသည်။ သို့မဟုတ် “အရိယာပုဂ္ဂိုလ်“ဟုလည်း ခေါ်ဆိုသည်။ လူပုဂ္ဂိုလ်ကို “အနရိယ“ဟု ခေါ်ရသည်။ ကိလေသာကုန်ပြီးသော လူပုဂ္ဂိုလ်ဆိုတာ မရှိသောကြောင့် အရိယာပုဂ္ဂိုလ်“ဟုပြောလျှင် ကိလေသာကုန်ပြီးသောရဟန်းတော်ဟု မှတ်ယူရပေသည်။ ထိုပြင် သက္ခပုဂ္ဂိုလ်-သိက္ခာသုံးပါကျင့်ဆဲ၊ သိက္ခိတပုဂ္ဂိုလ်-သိက္ခာသုံးပါးကျင့်ပြီးပုဂ္ဂိုလ်ဟူ၍ ဘိက္ခူရတနာကို လေ့လာရာ၌ မှတ်သားထားသင့်သည်။ သက္ခ-ကျင့်ဆဲပုဂ္ဂိုလ်ဆိုသည်မှာ အဓိသီလ၊ အဓိစိတ္တ၊ နှင့် အဓိပညဟုဆိုအပ်သော သိက္ခာသုံးပါးလုံးကို ကျင့်နေဆဲဖြစ်သော ပုထုဇဉ်ရဟန်း၊ သောတာပန်ပုဂ္ဂိုလ်၊ သို့၊ သကဒါဂါမ်ပုဂ္ဂိုလ်နှင့် အနာဂါမ်ပုဂ္ဂိုလ်တို့တွင် တစ်ပါးပါးဖြစ်သည်။ သိက္ခိတပုဂ္ဂိုလ်ဆိုသည်မှာ သိက္ခာသုံးပါးလုံး ကျင့်သုံးပြီး၍ ကျင့်စရာမလိုတော့သော ရဟန္တာပုဂ္ဂိုလ်ပင် ဖြစ်ပေသည်။

ထို့ကြောင့် ပုထုဇဉ်ရဟန်းပုဂ္ဂိုလ်ဆိုသည်မှာ ကိလေသာများ မကုန်ခမ်းသေးသူ၊ သို့မဟုတ်၊ သိက္ခာသုံးပါးကျင့်ဆဲပုဂ္ဂိုလ်များသာ ဖြစ်နေရကား ဘိက္ခူရတနာတွင် ကိလေသာကုန်ခမ်းပြီးသော ရဟန်းတော်သည်သာ အမြတ်ဆုံးဖြစ်သည်မှာ ထင်ရှားလပေသည်။

ဒါပေသိ ပုထုဇဉ်ရဟန်းတော်များမှာလည်း ရတနာထိုက်သောကြောင့် ရတနာသုံးပါးတွင် သံဃာအနွယ်ဝင်အဖြစ် ကိုးကွယ်ဆည်းကပ်ရပေသည်။ ပဉ္စမသံဃာယနာတင် မင်းတုန်းမင်းတရားကြီးသည် သံဃာတော်များကို အထူးပင်ကြည်ညိုအားထား အလေးပြုပေသည်။ အကြောင်းမှာ မင်းတုန်းမင်းကြီးသည် ထိုခေတ်က ရဟန်းတော်များ ညစာမစားခြင်းနှင့် မိန်းမမယူခြင်းကို အထူးပင် နှစ်သက်သဘောကျလေသည်။ မင်းတုန်းမင်းကြီးကိုယ်တိုင်းကား ညစာစားသည့်အပြင် ကာမဂုဏ်၌လည်း အလွန်အကျူးလိုက်စား စိတ်အားထက်သန်ရကား ကာမဂုဏ်၏အရသာ အတွေ့အထိ စွဲမက်ဖွယ်အဖုံဖုံကို ကောင်းကောင်းနားလည်ပေသည်။ ရဟန်းတော်များမှာကား ဤကဲ့သို့သော သုံးဆောင်ခံစားဘွယ်များကို မခံစားဘဲ ထိန်းသိမ်းထားနိုင်း၊ အောင့်အီးထိမ်းချုပ်နိုင်ပြီး သာသနာ့တာဝန်ကို ထမ်းရွက်နေရပေသည်။

တစ်ချို့သောပုဂ္ဂိုလ်များ ပြောကြသည်မှာ ရဟန်းတော်များ အောင့်အီးထိမ်းချုပ်ထားတာ များပြားလသောကြောင့် ပုထုဇဉ်ရဟန်းတော်များ ပျံတော်မူ၍ မီးသင်္ဂြိုဟ်သောအခါ “ဗျောင်း၊ ဒိုင်း“ဟူသော ပေါက်ကွဲသံကြီး ကြားရတတ်သည်-ဟု ပြောစမတ်ပြုကြသည်။ “အောင့်လုံးကြီးပေါက်တာ“ ဟုဆိုကြသည်။ အမှန်ယူဆရန်မဟုတ်ပါ။  ထိုကြောင့် မင်းတုန်းမင်းကြီးသည် ကိလေသာကုန်ခမ်းရဟန္တာများ မဟုန်သည့်တိုင် သူမထိမ်းနိုင်သည်ကို ပုထုဇဉ်ရဟန်းတော်များက ထိမ်းသိမ်းနိုင်သောကြောင့် သံဃာတော်များကို အထူးပင်ကြည်ညိုပေသည်။

မှန်ပေသည်။ မင်းတုန်းမင်းကြီး၏ ကြည့်ညိုပုံကို အတုယူထိုက်လပေသည်။ သာသနာမှာ ဘာသာဝင်အားလုံး ကိုယ်ထက်သာရင် ကြည်ညိုတတ်ရပေမည်။ ဤသို့လျှင် ပုထုဇဉ်အချင်းချင်း ကြည်ညိုတတ်လျှင် ရဟန္တာပိုဂ္ဂိုလ်ကိုကား အတိုင်းထက်အလွန် ကြည်ညိုသင့်လပေသည်။ ထိုကြောင့်  ပုထုဇဉ်ရဟန်းတော်များနှင့် နှိုင်းစာလျှင် ကိလေသာကုန်ခမ်းရဟန္တာအရှင်မြတ်များက အမြတ်ဆုံးရတနာ ဖြစ်ရပေသည်။

ရဟန္တာရတနာတွင်လည်း ၇း၁။ ရဟန္တသာဝကရတနာနှင့် ၇း၂။ ဘုရားရတနာဟူ၍ နှစ်မျိုးနှစ်စား ပေါ်ထွက်လာပြန်ပေသည်။ အရှင်သာရိပုတ္တရာကဲ့သို့သော အဂ္ဂသာဝကဖြစ်လာဖို့ကား တစ်အသင်္ချေနှင့် ကမ္ဘာတစ်သိန်းကြာကြာ ပါရမီများ ဖြည့်ကျင့်ရသည်။ ဘုရားဖြစ်လာဖို့ကား လေးအသင်္ချေနှင့် ကမ္ဘာတစ်သိန်း ပါရမီတော်များ ဖြည့်ကျင့်ရလေသည်။

စာဖတ်သူများ သိကြသည့်အတိုင်း သာဝကနှင့် ဘုရားရှင်တို့သည် ဘယ်ပေတံနှင့်ပဲ တိုင်းတိုင်း မနှိုင်းယှည်နိုင်လောက်အောင် ဘုရားရှင်က မြင့်မြတ်လပေသည်။ သို့သော်လည်း ဤပို့စ်၌ အမြတ်ဆုံးရတနာကို ရွေးချယ်နေခြင်း ဖြစ်သည့်အတွက် မနှိုင်းအပ်သော်လည်း နှိုင်းယှည်ပြရခြင်းဖြစ်ပေသည်။ ဒါပေသိ စာရေးသူ၏ကံသုံးပါးလုံးဝယ် ဘုရားရှင်အပေါ် အထေမဲ့မြင် နိမ့်ချစော်ကားလိုသော စေတနာကား လုံးဝ မရှိပါကြောင်း ရိုးသားစွာ ၀န်ခံပါသည်။

တစ်ဆူသောဘုရားရှင်၏ ဂုဏ်ကျေးဇူးများကို ဘုရားရှင်အဆူဆူတို့ ပြောပြထုတ်ပြ ဟောပြသော်လည်း ဟော၍မကုန် ပြော၍မကုန်သောကြောင့် သာဝကရဟန္တာရတနာထက် ဘုရားတည်းဟူသော ရတနာကသာလျှင် အမြတ်ဆုံးဖြစ်ရပေသည်။ “ဘုရားရှင်သည် ဘုရားတစ်ဆူ၏ ဂုဏ်၊ ကျေးဇူးများကို ရှည်လျှားကြာမြင့်စွာသော ကပ်ကမ္ဘာ ကြားကာလတစ်လျှောက် ချီးမွမ်းနေမယ်ဆိုရင် မည်သည့်တရားစကားမျှမဟောကြားရဘဲ ကပ်ကမ္ဘာကြီးသာ ကုန်လွန်သွားနိုင်ရာ၏။ ထိုဘုရားတစ်ဆူ၏ ဂုဏ်ကျေးဇူးကား မကုန်ဆုံးနိုင်ပေ။ (ပါထိက၀ဂ္ဂ၊ ဋ္ဌ။)

ဘုရားရတနာကသာလျှင် အမြတ်ဆုံးဖြစ်ပုံကို လေ့လာပြီးသည့်နောက်  ၈။ ဘုရားရတနာသည်လည်း ၈း၁။ ပစ္စေကဗုဒ္ဓဘုရားရတနာနှင့် ၈း၂။ သမ္မာသမ္ဗုဒ္ဓဘုရားရတနာ ဟူ၍နှစ်မျိုးနှစ်စား သိမှတ်ရလေသည်။

ပစ္စေဗုဒ္ဓါဟူသည် သီခြားဘုရားရှင် တစ်နည်းအားဖြင့် ဘုရားငယ်ဟု အသိများကြသည်။ သမ္မာသမ္ဗုဒ္ဓါဘုရားရှင်ကို “ဘုရားကြီး“ဟု ယူဆရပေမည်။ သို့သော် စာပေကျမ်းဂန်တို့၌ကား ယင်းအသုံး မရှိပေ။ ဘုရားကြီး၊ ဘုရားငယ်ဟူ၍ ခွဲခြားမှုမရှိပေ။

ပစ္စေကဗုဒ္ဓါနှင့်ပတ်သက်၍ သီလက္ခန်-အဘိန၀ဋီကာ၊ သာမညဖလသုတ်အဖွင့်၌ ပစ္စေကဗုဒ္ဓါဟူသည် “ဆရာမရှိ၊ ကိုယ်တိုင်ပင် ဗောဓိညဏ်ကို ရတော်မူသော သီးခြားဘုရား“။ဟု ဖွင့်သည်။ ထိုပြင် ပစ္စေကဗုဒ္ဓါသည် ကိုယ်တိုင်သာသိပြီး၊ သူတစ်ပါးအား မသိစေတတ်။ အတ္ထရသကို သာလျှင် ထိုးထွင်းသိပြီး ဓမ္မရသကို မသိ။ အဆင့်မြင့်လောကုတ်တရားများအပေါ် ဝေဖန်သုံးသပ်ပြီး မဟောတတ်။ ဥပမာအားဖြင့်ကား ပစ္စေကဗုဒ္ဓါတို့၏ တရားကို ထိုးထွင်းကာ သိနေခြင်းသည် တွေဝေစွာ အိမ်မက်ထဲမှာေ၀၀ါးနေသကဲသို့ ဖြစ်နေလေသည်။ သို့သော်လည်း တန်ခိုး၊ အဘိညာဉ်၊ သမာပတ်အစွမ်းသတ္တိများကား ပြည့်စုံကြပေသည်။

ပစ္စေကဗုဒ္ဓါဘုရားရှင်တို့သည် သမ္မာသမ္ဗုဒ္ဓါဘုရားရှင်တို့ မပွင့်ပေါ်သောအချိန်မှသာ ပွင့်သည်။ တပည့်သာဝက မရှိမူ၍ တစ်ပါးတည်းသီးခြားနေထိုင်တော်မူကြသည်။ ကိုယ်တိုင်သစ္စာလေးပါး တရားတော်ကို သိပြီးဖြစ်သော်လည်း ဝေနေယျသတ္တ၀ါအများကို ဟောကြားပြသဆုံးမရန် အားထုတ်တော်မမူးကြပေ။ ကိုယ်တိုင်ကား သစ္စာလေးပါးကိုပေမယ့် သူတစ်ပါးကိုကား သိစေခြင်းငှါ မစွမ်းနိုင်ပေ။ ပစ္စေကဗုဒ္ဓါဘုရားရှင် ဖြစ်ဖို့ကား နှစ်အသင်္ချေနှင့် ကမ္ဘာတစ်သိန်းသာ ပါရမီဖြည့်ကျင့်ရပီး သမ္မာသမ္ဗုဒ္ဓါဘုရားရှင်တို့မှာကား လေးအသင်္ချေနှင့် ကမ္ဘာတစ်သိန်း ပါရမီတော်များ ဖြည့်ကျင့်ရလေသည်။

ယခုမျက်မှောက်ဝယ် ဘုရားရုပ်ပွား၊ စေတီများကို ဘုရားကိုယ်စား ကိုယ်းကွယ်ရာဝယ် သမ္မာသမ္ဗုဒ္ဓါဘုရားရှင်ကို ရည်ညွန်းကိုယ်းကွယ်နေကြခြင်းသာ ဖြစ်ကြပေသည်။

ထိုကြောင့် ဘုရားရတနာတို့တွင်လည်း သမ္မာသမ္ဗုဒ္ဓါတည်းဟူသော ဘုရားရတနာသည်သာလျှင် အမြတ်ဆုံးဖြစ်ရပေသည်။ 

အမြတ်ဆုံးဖြစ်ရာ၊ ဘုရားရတနာအား၊ ယခုရေးသား၊ ပို့စ်တရားဖြင၊့် ခယပူဇော်၊ ကြည်သဓာဖြင့်၊ ဦးတင်ပါသည်၊ လိုရာကောင်းကျိုး၊ ပြည့်စေသော်ဝ်။