အလင်္ကာ: အမြတ်ဆုံးရတနာ (အပိုင်း-၁)

အမြတ်ဆုံးရတနာ(အပိုင်း-၁)

ရတနာ

“ရတနာဆိုတာ ဘာလဲ“လို့မေးရင် ကိုယ်သန်ရာ ကြိုက်နှစ်သက်ရာကို ဖြေကြလိမ့်မည်။ “ဘာကြောင့် ရတနာခေါ်ပါသလဲ.“ဟု ထပ်ဆင့်မေးခဲ့ရင် ပိုပီးတော့လွယ်ကူတဲ့မေးခွန်းဆိုတာ ထင်ရှားပါသည်။ လူတိုင်းကြိုက်နှစ်သက်အပ်၊ မြတ်နိုးအပ်၊ တန်ဖိုးများစွာ ထိုက်တန်သောကြောင့် ရတနာဟူ၍ ခေါ်တာပေါ့။ မှန်ပါတယ်။ ပါဠိစာပေ၌ “ရတိ ပေမံ ဇနေတီတိ ရတနာ“ သဒ္ဒါကျမ်းက ဆိုသည်။ အဓိပွှါယ်မှာ “လူတွေကြိုက်နှစ်သက်သောကြောင့် ရတနာမည်၏“တဲ့။

စိတ္တေကဂ္ဂတံ မဟဂ္ဂဉ္စ အတုလံ ဒုလ္လဘဒဿနံ အနောမသတ္တံ ပရိဘောဂံ ”ရတနံ”နာမ ပ၀ုစ္စတိ။ အနက်မပြန်တော့ပါဘူး။ အနက်ပြန်နေရင် လိုရင်းမရောက်ဘဲ စာဖတ်ရတာ ငြီးငွေ့သွားတတ်သည်။

”အမြတ်ဆုံးရတနာ”ဟူ၍ Title ပေးထားသောကြောင့် အမြတ်ဆုံးရတနာကို ရှာဖွေလေ့လာကြစို့။ လောကမှာ ရတနာတွေကို အုပ်စုခွဲလိုက်ရင် ၁။ လောကီရတနာ နှင့် ၂။ လောကုတ္တရာရတနာဟူ၍ နှစ်မျိုးသတ်မှတ်နိုင်ပေသည်။ အမှန်အားဖြင့် လောကီရတနာသည် ရတာ နာတတ်သည်။ လောကုတ္တရာရတနာ သည်သာ ရတာ မနာဘဲ၊ ရလေရလေ မြတ်လေလေဖြစ်သော ရတနာအစစ်ဖြစ်ပါသည်။

အမြတ်ဆုံးရတနာ၏ခေါင်းစဉ်အောက်မှာ ရတနာကို ကြာနီကန်ဆရာတော် ဟောကြားတော်မူထားခဲ့တဲ့ “အမြတ်ဆုံးရတနာ”တရားတော်မှ ပြန်လည်ရှာဖွေကာဖော်ထုတ်၍ တစ်မူထူးခြားစွာ ဆန်းစစ်ဝေငှမျှဝေခြင်းသာ ဖြစ်ပါသည်။

လောက၌ရှိသော ရတနာတို့တွင် (၁)၀ိသေသအားဖြင့် ခွဲခြမ်းလျှင် ၁း၁။ သ၀ိညာဏကရတနာ= သက်ရှိရတနာ( အသက်ထင်ရှားရှိသော ရတနာ) တစ်နည်းအားဖြင့် အသက်ထင်ရှားရှိ၊ ရတနာလည်းထိုက်သူ။

၁း၂။ အ၀ိညာဏကရတနာ= သက်မဲ့ရတနာ( သက်ရှိမဟုတ်သော ရတနာ) တစ်နည်းအားဖြင့် သက်ရှိသတ္တ၀ါမှတစ်ပါး သက်မဲ့ဝတ္ထုပစ္စည်းလည်းဖြစ်၊ ရတနာလည်းထိုက်သောအရာ။

လောကမှာ သက်ရှိသတ္တ၀ါတွေဟာ သက်မဲ့ရုပ်ဝတ္ထုပစ္စည်းတွေထက် ပိုမိုပြီးတော့ မြတ်ပါတယ်။ သားသမီးရတနာမှ အစပြု၍ စင်္ကြ၀တေးမင်း၏ရတနာ(၇)ပါးတွင် ဆင်ရတနာ၊ မြင်းရတနာ၊ မိဖုရားရတနာများသည် သက်ရှိရတနာများ ဖြစ်ကြသည်။ သက်မဲ့ရတနာတွေဖြစ်ကြသော လောကီရတနာတွေဆိုတဲ့ ရွှေ၊ ငွေစသော ရတနာများသည် တန်ဖိုးရှိတာ မှန်ပါသည်။ သို့သော်လည်း လူအများက သတ်မှတ်သုံးစွဲနေ၍သာ တန်းဖိုးရှိနေရသည်။ လူမသုံးလျှင် တန်ဖိုးမဲ့သွားပါတော့သည်။ ထို့ပြင် ရတနာပစ္စည်းဟူသည် သက်ရှိသတ္တ၀ါတို့၏ ဘုန်းကံအလျှောက် ဖြစ်ပေါ်လာရခြင်းသာ ဖြစ်ကြပါသည်။

ထို့ကြောင့် သက်ရှိရတနာနှင့် သက်မဲ့ရတနာ နှစ်မျိုးတွင် သက်ရှိရတနာသာလျင် အမြတ်ဆုံးဆိုတာ သိသာထင်ရှားလပါသည်။

(၂) တစ်ဖန် သက်ရှိရတနာကို ထပ်ခွဲလျှင် ၂း၁။ လူရတနာနှင့် ၂း၂။ တိရိစ္ဆာန်ရတနာ ဟူ၍ နှစ်မျိုး ခွဲခြမ်းရရှိလာပါလိမ့်မည်။

လောကမှာ အခြေနှစ်ချောင်၊ အခြေလေးချောင်းစသော သက်ရှိတိရိစ္ဆာန်များသည် သက်ရှိလူသားများထက် မြင့်မြတ်တယ်ဆိုတာ မရှိပေ။ ကြားလည်း မကြားဘူးပေ။ စင်္ကြာမင်း၏ ဆင်ရတနာ၊ မြင်းရတနာများသည် လူတွေထက် ခွန်အားကြီးပေသည်။ အသုံးလည်း ၀င်လပေသည်။ သို့သော် လူသားများနှင့် တန်းတူဂုဏ်ရည်တူ အဆင့်မှာ မထားကြပေ။ အခွင့်အရေး မရကြပေ။ စင်္ကြာမင်း၏ဆင်ရတနာ၊ မြင်းရတနာများ မြတ်ပေမယ့် လူတွေ၏အလုပ်အကြွေးအစေအပါးသာ ဖြစ်ကြ၍ သက်ရှိရတနာခြင်းတူသော်လည်း ဘုန်းကံပါရမီးခြင်း ကွာခြားလသောကြောင့် သက်ရှိလူသားရတနာက ပိုမိုကာ အမြတ်ဆုံး ဖြစ်ရပေသည်။ ဒဏ္ဍာရီထဲမှာ တိရိစ္ဆာန်ဘုရင်များ ဇာတ်ကောင်လုပ်ကာ တိုင်းပြည်အုပ်ချုပ်နေသော်ငြား လူသားများက ခစားပျပ်ဝပ်ဆည်းကပ် လုပ်ကြွေးလေ့ရှိသည်ကို မမှတ်သားဘူးပေ။ ဒါပေသိ အလားတူ ဇာတ်လမ်းမျိုးရှိခဲ့သော် အစစ်မှန်မဟုတ်ဘဲ လုပ်ကြံဒဏ္ဍာရီများသာ ဖြစ်ပေသည်။ တချို့သော ဘုရားဟောဇာတ်တော်များတွင့် လူသားနှင့် တိရိစ္ဆာန်တို့ အိမ်ထောင်ပြု ပေါင်းသင်းဆက်ဆံကြသည်ကို လေ့လာတွေ့ရှိနိုင်သော်လည်း လူသားများက အလိုမတူဘဲ အားမတန်မာန်လျှော့ကာ ဆက်ဆံခဲ့ရကြောင်းကို သတိထားမိမှာပါ။ အမျိုးဇာတ်ချင်းမတူက ပေါင်းဖော်၍ မရတတ်ကြောင်း သင်္ခန်းစာယူရပေမည်။

ထို့ကြောင့် သက်ရှိရတနာတို့တွင် လူသားသက်ရှိရတနာက သက်ရှိတိရစ္ဆာန်ရတနာထက် ပိုမြတ်ကြောင်း ထင်းရှားလပါသည်။

(၃)လူရတနာကို ထပ်ခွဲပြန်လျင် ၃း၁။ ပုရသ=ယောက်ျားရတနာနှင့် ၃း၂။ အိတ္ထိယ =မိန်းမရတနာ ဟူ၍ နှစ်မျိုးရလာပေသည်။

“မိန်းနှင့် ယောက်ျား ဘယ်သူက မြတ်သလဲ။“ စာရေးသူ၏ သဘောထားကို မဖတ်ခင် စာဖတ်သူများ ကိုယ်တိုင်ဆုံးဖြတ်ဝေဖန် ကြည့်ကြပါ။ ပထမဆုံး ဘာကြောင့် မြတ်ရတာလဲ။ အကြောင်းရှာပါ။ အမှန်အားဖြင့် မိန်းမနှင့် ယောက်ျား “လူလူချင်းပဲ ယှဉ်ထိုးမလား“ ဟူ၍ စိန်ခေါ်ခဲ့သော် ယှဉ်ထိုးကြမလား၊ ယှဉ်ထိုးရင် ဘယ်သူက နိုင်မလဲ၊ ဘယ်သူကရှုံးမလဲ။ ရှေးခေတ်က စင်္ကြာဝတေးမင်း၏ မိဖုရားခေါင်ကြီးသည် မိန်းများတွင်တော့ အမြတ်ဆုံးမိန်မရတနာဟု ဆိုထိုက်ပေသည်။ တိုင်းပြည်အုပ်ချုပ်ဘုရင်မများစွားလည်း ဇာတ်တော်ထဲမှာသာမ မျက်မှောက်ခေတ် နိုင်ငံအသီးသီး၏ရာဇ၀င်သမိုင်းများမှာပါ လေ့လာတွေ့ရှိနိုင်ပါသည်။ သို့သော် သူမတို့ အမှန်တကယ် မြတ်ကြပါရဲ့လား။ မြတ်တော့မြတ်ကြပါသည်။ အမြတ်ဆုံးမဟုတ်ကြပါ ဟူ၍ ဆိုရပေမည်။ ယောက်ျားနှင့် မိန်မယှဉ်လျင် မိန်မသည် ယောက်ျား၏ခြေရင်း အလုပ်အကြွေးသာ ဖြစ်ကြသောကြောင့် ယောက်ျားရတနာသည်သာ အမြတ်ဆုံးရတနာဖြစ်ရပေသည်။ သို့သော်လည်း တရားဓမ္မဖက်က ကြည့်လျှင် မြတ်အောင်နေမှ မြတ်ပေသည်။ မိန်းမအဆဲခံနေရသော ယောက်ျားသည် မြတ်သူဟု ဆိုထိုက်ပါသလား။ နိဗ္ဗာန်ဝင်ခြင်းအတူတူ ယောက်ျား နိဗ္ဗာန် ၊ မိန်းမ နိဗ္ဗာန် မရှိပေ။

ဤနေရာ၌ ရတာနာထိုက်သော မိန်းမရတနာတို့ကိုသာ ဆိုလိုပါသည်။ ရတနာမထိုက်ပေမယ့် မြင့်မြတ်သော မိန်းမများစွာ ရှိသည်ကိုလည်း သတိရပေးပါ။ အမရာ၊ ကိန္နရီ၊ မဒီ၊ သမ္ဘူ တော်လေး၀၀င် မိန်းမမြတ်များစွား ရှိပေသည်။ ဒါပေသိ လောကဝေါဟာရအားဖြင့်ကား မိန်းမရတနာထက် ယောက်ျားရတနာက မြတ်ပေသည်။

ဘုရားဟောတရားတော်ထဲတွင်လည်း မိန်းမသားများ ရောက်ခွင့်၊ ဖြစ်ခွင့်မရှိသော အရာ(၅)မျိုး ရှိပေသည်။

မိန်းမတို့သည် (၁) စင်္ကြာဝတေးမင်း ဖြစ်ခွင့်မရှိ၊ မဖြစ်နိုင်။

                     (၂) သိကြားမင်း ဖြစ်ခွင့်မရှိ၊ မဖြစ်နိုင်။

(၃) ဗြဟ္မာမင်း ဖြစ်ခွင့်မရှိ၊ မဖြစ်နိုင်။

(၄) မာနတ်မင်း ဖြစ်ခွင့်မရှိ၊ မဖြစ်နိုင်။

(၅) သမ္မာသမ္ဗုဒ္ဓါဘုရား ဖြစ်ခွင့်မရှိ၊ မဖြစ်နိုင်။(အင်္ဂုတ္တရနိကာယ၊ပ၊၃၀)

မှတ်ချက်။ ။ မိန်းမစင်္ကြာဝတေး၊ မိန်းမသိကြားမင်း မဖြစ်နိုင် ဆိုလိုသည်။ ဗြဟ္မာပြည်မှာ မိန်းမ၊ ယောက်ျား ခွဲခြားမှုမရှိသောကြောင့် ဒီဘ၀က မိန်းမဘ၀ဖြင့် သေးသွားသော်လည်း ဗြဟ္မာပြည်ရောက်တော့ ယောက်ျားတွေချည်းဖြစ်ကုန်သည်။

ထိုသို့ပင် ဖြစ်ခွင့်မရှိ၊ မဖြစ်နိုင်သော်လည်း ယခုဘ၀မှာ လင်ယောက်ျားကို မီးကဲ့သို့ ရိုသေစွာလုပ်ကြွေးခြင်း၊ မိဘကျေးဇူးအထူးဆပ်ခြင်းဖြင့် ကုသိုလ်ကောင်းမှုများပြုလုပ်ကာ နောက်ဘ၀၌ ယောက်ျားဖြစ်အောင် ဆုယူနိုင်ခြင်း၊ ထိုမှတစ်ဖန် စင်္ကြာဝတေးမင်းဖြစ်ကြောင်း အကျင့်တရား၊ သိကြားမင်းဖြစ်ကြောင်း အကျင့်တရား၊ ဗြဟ္မာဖြစ်ကြောင်း အကျင့်တရား၊ ပစ္စေကဗုဒ္ဓါ ဘုရားငယ်ဖြစ်ကြောင်း ပါရမီ၊ သမ္မာသမ္ဗုဒ္ဓါမြတ်ဘုရားဖြစ်ကြောင်း ပါရမီများကို လမ်းစဉ်တကျ ဖြည့်ကျင့်ပါမူ မိမိဖြစ်ခြင်းသော ဘ၀မျိုး မည်သူမဆို လိုရာလိုရာ ပြည့်စုံနိုင်ပါပေသည်။

(အပိုင်း(၂)ဆက်လက်ဖတ်ရှုရန်)